سیدنا عمرو بن مالک الرؤاسی رضی اللہ عنہ سے روایت ہے کہ میں نبی کریم صلی اللہ علیہ وسلم کی خدمتِ اقدس میں حاضر ہوا اور میں نے عرض کی: «ارْضَ عَنِّي» ”اے اللہ کے رسول! آپ مجھ سے راضی ہو جائیے“، تو آپ صلی اللہ علیہ وسلم نے تین مرتبہ مجھ سے اعراض فرمایا (یعنی اپنا چہرہ مبارک پھیر لیا)، تب میں نے عرض کی: ”اے اللہ کے رسول! اللہ کی قسم! رب تعالیٰ سے بھی تو رضا طلب کی جاتی ہے (اور وہ راضی ہو جاتا ہے)“، تو راوی بیان کرتے ہیں کہ: ”پھر آپ صلی اللہ علیہ وسلم مجھ سے راضی ہو گئے۔“ [مسند أبي يعلى الموصلي/حَدِيثُ عَمْرِو بْنِ مَالِكٍ الرُّؤَاسِيِّ/حدیث: 6843]