سیدنا نعیم بن ہمار رضی اللہ عنہ سے روایت ہے کہ انہوں نے نبی کریم صلی اللہ علیہ وسلم کو فرماتے ہوئے سنا جب کہ ایک شخص نے آپ صلی اللہ علیہ وسلم کی خدمت میں حاضر ہو کر دریافت کیا کہ کون سے شہداء سب سے افضل ہیں؟ تو آپ صلی اللہ علیہ وسلم نے ارشاد فرمایا: ”وہ لوگ جو (میدانِ کارزار میں) صفوں کے اندر ڈال دیے جاتے ہیں اور (ثابت قدمی کے باعث) اپنے رخ نہیں موڑتے یہاں تک کہ وہ شہید کر دیے جائیں، یہی وہ لوگ ہیں جو جنت کے بلند و بالا ایوانوں میں آسودہ حال ہوں گے، تمہارا رب ان کی طرف دیکھ کر تبسم فرماتا ہے، اور (خالقِ کائنات) جس جگہ بھی (بندے کی طرف دیکھ کر) تبسم فرما دے تو اس بندے پر کوئی بازپرس اور حساب نہیں ہے۔“ [مسند أبي يعلى الموصلي/حَدِيثُ نُعَيْمِ بْنِ هَمَّارٍ الْغَطَفَانِيِّ/حدیث: 6855]