سیدنا معقل بن ابی معقل الاسدی رضی اللہ عنہ سے روایت ہے کہ بارگاہِ رسالت میں عرض کیا گیا: ”اے اللہ کے رسول صلی اللہ علیہ وسلم ! سیدہ ام معقل رضی اللہ عنہا اس بات پر غمگین ہو گئیں کہ وہ آپ صلی اللہ علیہ وسلم کے ہمراہ حج کی سعادت حاصل کرنے سے محروم رہ گئیں،“ تو آپ صلی اللہ علیہ وسلم نے ارشاد فرمایا: ”انہیں چاہیے کہ وہ رمضان المبارک میں عمرہ ادا کریں، کیونکہ رمضان میں عمرہ کرنا (اجر و ثواب میں) حج کے برابر ہے۔“ [مسند أبي يعلى الموصلي/حَدِيثُ مَعْقِلِ بْنِ أَبِي مَعْقِلٍ الْأَسَدِيِّ/حدیث: 6860]