سیدہ صفیہ ام المؤمنین رضی اللہ عنہا سے روایت ہے کہ رسول اللہ صلی اللہ علیہ وسلم نے ارشاد فرمایا: ”لوگ اس گھر (بیت اللہ) پر حملے سے باز نہیں آئیں گے یہاں تک کہ ایک لشکر اس پر چڑھائی کرے گا، پھر جب وہ زمین کے ایک چٹیل میدان (بیداء) میں پہنچیں گے تو ان کے اول اور آخر سبھی کو زمین میں دھنسا دیا جائے گا اور ان کا درمیانی حصہ بھی نجات نہیں پا سکے گا“، سیدہ صفیہ رضی اللہ عنہا بیان کرتی ہیں کہ میں نے عرض کیا: ”اے اللہ کے رسول! آپ اس شخص کے بارے میں کیا فرماتے ہیں جسے زبردستی (لشکر میں) شامل کیا گیا ہو؟“ تو آپ صلی اللہ علیہ وسلم نے ارشاد فرمایا: ”اللہ تعالیٰ ان سب کو ان کی نیتوں کے مطابق ہی (قیامت کے دن) مبعوث فرمائے گا۔“ [مسند أبي يعلى الموصلي/حَدِيثُ صَفِيَّةَ أُمِّ الْمُؤْمِنِينَ/حدیث: 7069]