سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”کسی باپ نے اپنی اولاد کو اچھی تربیت و ادب سے بہتر کوئی میراث نہیں دی۔“
امام طبرانی رحمہ اللہ فرماتے ہیں: ”اس حدیث کو عمرو بن دینار سے محمد بن موسیٰ کے سوا کسی نے روایت نہیں کیا، اور ابن عمر رضی اللہ عنہما سے یہ حدیث صرف اسی سند سے مروی ہے۔“ [المعجم الأوسط/بَابُ السِّينِ/حدیث: 3658]

ام المومنین سیدہ ام سلمہ رضی اللہ عنہا بیان کرتی ہیں: ”میں اور رسول اللہ صلی اللہ علیہ وسلم ایک ہی برتن سے غسل کیا کرتے تھے، تو میں کہتی: ”میرے لیے بھی چھوڑ دیجیے، میرے لیے بھی چھوڑ دیجیے۔““
امام طبرانی رحمہ اللہ فرماتے ہیں: ”اس حدیث کو یونس سے سالم بن نوح کے سوا کسی نے روایت نہیں کیا، اور اس میں محمد بن عبید اللہ بن حفص منفرد ہیں۔“ [المعجم الأوسط/بَابُ السِّينِ/حدیث: 3659]