اللہ تعالیٰ کے اس ارشاد کے بیان میں کہ ”اور ہم نے ان (اہلِ کتاب) پر اس (تورات) میں یہ بات فرض کر دی تھی کہ جان کے عوض جان ہے، آنکھ کے بدلے آنکھ، ناک کے بدلے ناک، کان کے بدلے کان، دانت کے بدلے دانت اور تمام زخموں میں بھی قصاص یعنی برابری کا بدلہ ہے، پھر جو شخص اسے (بدلہ لینے کے بجائے) بطور صدقہ معاف کر دے تو وہ اس کے لیے (گناہوں کا) کفارہ ہوگا، اور جو لوگ اللہ کے نازل کردہ احکام کے مطابق فیصلہ نہ کریں تو وہی لوگ درحقیقت ظالم ہیں۔“