اللہ تعالیٰ کے اس فرمان کے متعلق کہ: ”پھر جب ان پر رات کی تاریکی چھا گئی تو انہوں نے ایک ستارہ دیکھا، آپ نے فرمایا: ”یہ میرا رب ہے“، پھر جب وہ غائب ہو گیا تو کہنے لگے: ”میں غائب ہو جانے والوں کو پسند نہیں کرتا“، پھر جب چاند کو چمکتا ہوا دیکھا تو فرمایا: ”یہ میرا رب ہے“، پھر جب وہ بھی چھپ گیا تو کہنے لگے: ”اگر میرے رب نے میری رہنمائی نہ فرمائی ہوتی تو میں یقیناً گمراہ لوگوں میں شامل ہو جاتا“، پھر جب سورج کو تابناک دیکھا تو فرمایا: ”یہ میرا رب ہے، یہ تو سب سے بڑا ہے“، پھر جب وہ بھی ڈوب گیا تو پکار اٹھے: ”اے میری قوم! بے شک میں ان تمام چیزوں سے بیزار ہوں جنہیں تم اللہ کا شریک ٹھہراتے ہو، یقیناً میں نے کامل یکسوئی کے ساتھ اپنا رخ اس ذات کی طرف کر لیا ہے جس نے آسمانوں اور زمین کو عدم سے پیدا کیا اور میں ہرگز شرک کرنے والوں میں سے نہیں ہوں““۔