اللہ تعالیٰ کے اس ارشاد کے بیان میں کہ ”اور ان میں سے بعض وہ ہیں جنہوں نے اللہ سے یہ عہد کیا تھا کہ اگر وہ ہمیں اپنے فضل سے نوازے گا تو ہم ضرور صدقہ و خیرات کریں گے اور یقیناً صالحین میں سے ہو جائیں گے، پھر جب اللہ نے انہیں اپنے فضل سے عطا فرما دیا تو وہ اس میں بخل کرنے لگے اور اعراض کرتے ہوئے پیٹھ پھیر گئے، پس اللہ نے ان کے دلوں میں اس دن تک کے لیے نفاق پختہ کر دیا جس دن وہ اس سے ملیں گے، اس وجہ سے کہ انہوں نے اللہ سے کیے ہوئے اپنے وعدے کی خلاف ورزی کی اور اس بنا پر کہ وہ جھوٹ بولا کرتے تھے“۔