”اور ان لوگوں کو عفت و پاک دامنی اختیار کرنی چاہیے جو نکاح (کی مالی استطاعت) نہیں پاتے، یہاں تک کہ اللہ تعالیٰ انہیں اپنے فضل سے غنی کر دے، اور تمہارے زیرِ نگیں غلاموں میں سے جو مکاتبت (آزادی کا تحریری معاہدہ) کرنا چاہیں تو ان سے مکاتبت کر لیا کرو اگر تم ان میں خیر (صلاحیت و بھلائی) پاؤ، اور انہیں اللہ کے اس مال میں سے عطا کرو جو اس نے تمہیں دیا ہے، اور اپنی لونڈیوں کو دنیوی زندگی کے ساز و سامان کی طلب میں بدکاری پر مجبور نہ کرو اگر وہ پاک دامن رہنا چاہتی ہوں، اور جو کوئی انہیں مجبور کرے گا تو بے شک اللہ تعالیٰ ان کے مجبور کیے جانے کے بعد (ان کے حق میں) بہت بخشنے والا اور نہایت رحم فرمانے والا ہے“۔