”ص، قسم ہے نصیحت والے قرآن کی، بلکہ یہ کافر لوگ تکبر اور ضد میں پڑے ہوئے ہیں، ان سے پہلے ہم نے کتنی ہی نسلیں ہلاک کر ڈالیں تو وہ (بوقتِ عذاب) پکار اٹھے مگر وہ وقت چھٹکارا پانے کا نہ تھا، اور انہیں اس بات پر تعجب ہوا کہ ان کے پاس خود ان ہی میں سے ایک ڈرانے والا آ گیا اور کافروں نے کہا کہ یہ تو جادوگر ہے، پرلے درجے کا جھوٹا ہے، کیا اس نے اتنے معبودوں کی جگہ بس ایک ہی معبود بنا ڈالا؟ بے شک یہ تو بڑی ہی عجیب بات ہے، اور ان کے سردار یہ کہتے ہوئے چل پڑے کہ چلو اور اپنے معبودوں (کی عبادت) پر جمے رہو، یقیناً اس (دعوت) کے پیچھے کوئی غرض ہے، ہم نے تو ایسی بات پچھلے دین میں بھی نہیں سنی، یہ تو محض ایک من گھڑت بات ہے۔“