(نبی کریم صلی اللہ علیہ وسلم نے فرمایا:)
”وتر کی نماز تو بس رات کے وقت ہی (مشروع) ہے۔“ [صحيح الجامع الصغير وزيادته/[حرف الألف] -- إن ك/حدیث: 2335]

(نبی کریم صلی اللہ علیہ وسلم نے فرمایا:)
”ولاء (آزاد کردہ غلام کی وراثت کا حق) تو اسی کو ملتا ہے جو غلام کو آزاد کرے۔“ [صحيح الجامع الصغير وزيادته/[حرف الألف] -- إن ك/حدیث: 2336]

(نبی کریم صلی اللہ علیہ وسلم نے فرمایا:)
”مجھے تو وضو کرنے کا حکم صرف اسی وقت دیا گیا ہے جب میں نماز پڑھنے کے لیے کھڑا ہوں۔“ [صحيح الجامع الصغير وزيادته/[حرف الألف] -- إن ك/حدیث: 2337]

(نبی کریم صلی اللہ علیہ وسلم نے فرمایا:)
”میں تو بس ایک انسان ہوں، جب میں تمہیں تمہارے دین سے متعلق کسی چیز کا حکم دوں تو اسے مضبوطی سے تھام لو، اور جب میں اپنی ذاتی رائے سے تمہیں کوئی بات کہوں تو (یاد رکھو کہ) میں بھی ایک انسان ہی ہوں۔“ [صحيح الجامع الصغير وزيادته/[حرف الألف] -- إن ك/حدیث: 2338]

(نبی کریم صلی اللہ علیہ وسلم نے فرمایا:)
”میں تو محض ایک انسان ہوں، میں بھی اسی طرح بھول جاتا ہوں جس طرح تم بھول جاتے ہو۔ پس جب تم میں سے کوئی بھول جائے تو اسے چاہیے کہ بیٹھے بیٹھے دو سجدے (سجدہ سہو) کر لے۔“ [صحيح الجامع الصغير وزيادته/[حرف الألف] -- إن ك/حدیث: 2339]

(نبی کریم صلی اللہ علیہ وسلم نے فرمایا:)
”میں تو بس ایک انسان ہوں، آنکھ آنسو بہاتی ہے، دل غمگین ہوتا ہے لیکن ہم زبان سے کوئی ایسی بات نہیں کہتے جو ہمارے رب کو ناراض کر دے۔ اور اللہ کی قسم! اے ابراہیم! ہم تمہاری جدائی پر بہت غمگین ہیں۔“ [صحيح الجامع الصغير وزيادته/[حرف الألف] -- إن ك/حدیث: 2340]

(نبی کریم صلی اللہ علیہ وسلم نے فرمایا:)
”میں تو تمہاری طرح کا ایک انسان ہی ہوں، اور بے شک (انسانی) گمان غلط بھی ہوتا ہے اور صحیح بھی، لیکن جب میں تم سے کہوں کہ: اللہ تعالیٰ نے فرمایا ہے، تو (یاد رکھو) میں اللہ پر کبھی جھوٹ نہیں باندھ سکتا۔“ [صحيح الجامع الصغير وزيادته/[حرف الألف] -- إن ك/حدیث: 2341]

(نبی کریم صلی اللہ علیہ وسلم نے فرمایا:)
”میں تو بس ایک انسان ہوں، اور تم اپنے مقدمات لے کر میرے پاس آتے ہو۔ ہو سکتا ہے کہ تم میں سے کوئی شخص دوسرے کی نسبت اپنی دلیل پیش کرنے میں زیادہ چرب زبان (اور ہوشیار) ہو، اور میں اس کی بات سن کر اس کے حق میں فیصلہ کر دوں۔ پس جس شخص کے لیے میں نے کسی (دوسرے) مسلمان کے حق کا فیصلہ کر دیا (جبکہ حقیقت میں وہ اس کا حق نہ ہو) تو درحقیقت وہ جہنم کی آگ کا ایک ٹکڑا ہے، اب وہ چاہے تو اسے لے لے اور چاہے تو چھوڑ دے۔“ [صحيح الجامع الصغير وزيادته/[حرف الألف] -- إن ك/حدیث: 2342]

(نبی کریم صلی اللہ علیہ وسلم نے فرمایا:)
”میں تو بس ایک انسان ہوں، اور میں نے اپنے رب عزوجل سے یہ شرط (عہد) کر رکھی ہے کہ مسلمانوں میں سے جس بندے کو میں کوئی سخت بات کہہ دوں یا برا بھلا کہہ دوں تو وہ اس کے لیے پاکیزگی اور اجر و ثواب کا باعث بن جائے۔“ [صحيح الجامع الصغير وزيادته/[حرف الألف] -- إن ك/حدیث: 2343]

(نبی کریم صلی اللہ علیہ وسلم نے فرمایا:)
”میں تو محض ایک خزانچی (تقسیم کرنے والا) ہوں اور حقیقت میں دینے والا تو صرف اللہ ہے۔ پس جسے میں خوش دلی سے کوئی عطیہ دوں تو اس کے لیے اس میں برکت ڈال دی جاتی ہے، اور جسے میں اس کے لالچ اور حد سے زیادہ مانگنے کی وجہ سے دوں تو وہ اس شخص کی طرح ہے جو کھاتا تو ہے لیکن اس کا پیٹ نہیں بھرتا (یعنی اسے اس مال میں برکت حاصل نہیں ہوتی)۔“ [صحيح الجامع الصغير وزيادته/[حرف الألف] -- إن ك/حدیث: 2344]