(نبی کریم صلی اللہ علیہ وسلم نے فرمایا:)
”اسے چھوڑ دو، کیونکہ حق دار کو بات کرنے کا حق ہوتا ہے۔“ [صحيح الجامع الصغير وزيادته/حرف الدال/حدیث: 3387]

(نبی کریم صلی اللہ علیہ وسلم نے فرمایا:)
”پریشان حال شخص کی دعائیں یہ ہیں: اے اللہ! میں تیری رحمت کی امید رکھتا ہوں، پس مجھے پلک جھپکنے کے برابر بھی میرے نفس کے سپرد نہ کر، اور میرا سارا معاملہ درست فرما دے، تیرے سوا کوئی سچا معبود نہیں۔“ [صحيح الجامع الصغير وزيادته/حرف الدال/حدیث: 3388]

(نبی کریم صلی اللہ علیہ وسلم نے فرمایا:)
”ہر شخص اسی مٹی میں دفن ہوتا ہے جس سے اسے پیدا کیا گیا ہے۔“ [صحيح الجامع الصغير وزيادته/حرف الدال/حدیث: 3389]

(نبی کریم صلی اللہ علیہ وسلم نے فرمایا:)
”نیکی کی راہ دکھانے والا نیکی کرنے والے کی مانند ہے۔“ [صحيح الجامع الصغير وزيادته/حرف الدال/حدیث: 3390]

(نبی کریم صلی اللہ علیہ وسلم نے فرمایا:)
”سرخی مائل سفید (بکری) کا خون اللہ کو دو سیاہ (بکریوں) کے خون سے زیادہ محبوب ہے۔“ [صحيح الجامع الصغير وزيادته/حرف الدال/حدیث: 3391]

(نبی کریم صلی اللہ علیہ وسلم نے فرمایا:)
”سرخی مائل سفید (بکری) کا خون اللہ کے نزدیک دو سیاہ (بکریوں) کے خون سے زیادہ پاکیزہ ہے۔“ [صحيح الجامع الصغير وزيادته/حرف الدال/حدیث: 3392]

(نبی کریم صلی اللہ علیہ وسلم نے فرمایا:)
”یہ لو اور اپنا حق وصول کر لو۔“ [صحيح الجامع الصغير وزيادته/حرف الدال/حدیث: 3393]

(نبی کریم صلی اللہ علیہ وسلم نے فرمایا:)
”ہاتھوں اور پیروں کی انگلیوں کی دیت برابر ہے، ہر انگلی کے بدلے دس اونٹ۔“ [صحيح الجامع الصغير وزيادته/حرف الدال/حدیث: 3394]

(نبی کریم صلی اللہ علیہ وسلم نے فرمایا:)
”معاہد (ذمی) کی دیت آزاد شخص کی دیت کی آدھی ہے۔“ [صحيح الجامع الصغير وزيادته/حرف الدال/حدیث: 3395]

(نبی کریم صلی اللہ علیہ وسلم نے فرمایا:)
”مکاتب (غلام جس نے آزادی کا معاہدہ کر رکھا ہو) کی دیت اتنی ہے کہ جتنا حصہ اس کا آزاد ہو چکا ہے اس کے بقدر آزاد شخص کی دیت اور جتنا حصہ غلامی میں باقی ہے اس کے بقدر غلام کی دیت۔“ [صحيح الجامع الصغير وزيادته/حرف الدال/حدیث: 3396]