(نبی کریم صلی اللہ علیہ وسلم نے فرمایا:)
”جو اللہ کے رب ہونے پر، اسلام کے دین ہونے پر اور محمد کے رسول ہونے پر راضی ہو گیا اس نے ایمان کا مزہ چکھ لیا۔“ [صحيح الجامع الصغير وزيادته/حرف الذال/حدیث: 3425]

(نبی کریم صلی اللہ علیہ وسلم نے فرمایا:)
”اپنے مال کے ذریعے اپنی عزتوں (آبرو) کا دفاع کرو۔“ [صحيح الجامع الصغير وزيادته/حرف الذال/حدیث: 3426]

(نبی کریم صلی اللہ علیہ وسلم نے فرمایا:)
”آدمی کا ذبح (اس کی ہلاکت) یہ ہے کہ تم اس کے سامنے اس کی تعریف کرو۔“ [صحيح الجامع الصغير وزيادته/حرف الذال/حدیث: 3427]

(نبی کریم صلی اللہ علیہ وسلم نے فرمایا:)
”مسلمانوں کی اولاد (جو بچپن میں فوت ہو جائے) کی کفالت ابراہیم علیہ السلام کریں گے۔“ [صحيح الجامع الصغير وزيادته/حرف الذال/حدیث: 3428]

(نبی کریم صلی اللہ علیہ وسلم نے فرمایا:)
”لوگوں کو (نیک) عمل کرنے دو، کیونکہ جنت کے سو درجے ہیں، ہر دو درجوں کے درمیان اتنا فاصلہ ہے جتنا آسمان اور زمین کے درمیان ہے، اور فردوس ان میں سب سے اونچا اور درمیانی درجہ ہے، اور اس کے اوپر رحمن کا عرش ہے، اور اسی سے جنت کی نہریں پھوٹتی ہیں، پس جب تم اللہ سے مانگو تو فردوس مانگا کرو۔“ [صحيح الجامع الصغير وزيادته/حرف الذال/حدیث: 3429]

(نبی کریم صلی اللہ علیہ وسلم نے فرمایا:)
”مجھے چھوڑے رکھو جب تک میں تمہیں چھوڑے رکھوں (یعنی غیر ضروری سوالات مت کرو)، کیونکہ تم سے پہلے لوگ اپنی کثرتِ سوال اور اپنے انبیاء سے اختلاف کی وجہ سے ہلاک ہوئے، پس جب میں تمہیں کسی چیز کا حکم دوں تو اس میں سے جتنا کر سکو کرو، اور جب میں تمہیں کسی چیز سے منع کروں تو اسے چھوڑ دو۔“ [صحيح الجامع الصغير وزيادته/حرف الذال/حدیث: 3430]

(نبی کریم صلی اللہ علیہ وسلم نے فرمایا:)
”حاملہ جانور کے پیٹ کے بچے کی ذبح، اس کی ماں کی ذبح ہی میں شامل ہے۔“ [صحيح الجامع الصغير وزيادته/حرف الذال/حدیث: 3431]

(نبی کریم صلی اللہ علیہ وسلم نے فرمایا:)
”مردار (کی کھال) کا پاک ہونا اس کی دباغت سے ہے۔“ [صحيح الجامع الصغير وزيادته/حرف الذال/حدیث: 3432]

(نبی کریم صلی اللہ علیہ وسلم نے فرمایا:)
”ہر کھال کا پاک ہونا اس کی دباغت سے ہے۔“ [صحيح الجامع الصغير وزيادته/حرف الذال/حدیث: 3433]

(نبی کریم صلی اللہ علیہ وسلم نے فرمایا:)
”میں نماز میں تھا تو مجھے یاد آیا کہ ہمارے پاس سونے کی ایک ڈلی رکھی ہے، مجھے یہ ناپسند ہوا کہ وہ ہمارے پاس رات گزارے، چنانچہ میں نے اسے تقسیم کرنے کا حکم دے دیا۔“ [صحيح الجامع الصغير وزيادته/حرف الذال/حدیث: 3434]