زرارہ بن اوفیٰ رحمہ اللہ اپنی قوم کے ایک صاحب سے روایت کرتے ہیں جنہیں سیدنا ابو مالک یا ابن مالک رضی اللہ عنہ کہا جاتا ہے کہ انہوں نے نبی صلی اللہ علیہ وسلم کو فرماتے ہوئے سنا: ”جس نے مسلمان والدین کے کسی یتیم کو اپنے کھانے پینے میں شریک کر لیا یہاں تک کہ وہ اس سے بے نیاز ہو گیا تو اس کے لیے جنت یقینی طور پر واجب ہو گئی۔ اور جس نے اپنے والدین یا ان میں سے کسی ایک کو پایا، پھر ان سے حسن سلوک نہ کیا اور (اس وجہ سے) جہنم میں داخل ہوا تو اللہ اسے (اپنی رحمت سے) دور کرے۔ اور جو مسلمان کسی مسلمان غلام کو آزاد کرے تو وہ اس کے لیے جہنم سے رہائی کا ذریعہ ہوگا۔“ [مسند أبي يعلى الموصلي/أبو مالك أو ابن مالك عن النبي صلى الله عليه وسلم/حدیث: 926]