عبدالرحمٰن بن طرفہ رحمہ اللہ سے روایت ہے کہ ان کے دادا سیدنا عرفجہ بن اسعد رضی اللہ عنہ کی ناک زمانہ جاہلیت میں یوم الکلاب (کے معرکے) میں کٹ گئی تھی، تو انہوں نے چاندی کی ایک ناک بنوا لی مگر وہ بدبودار ہوگئی، چنانچہ انہوں نے اس بات کا ذکر رسول اللہ صلی اللہ علیہ وسلم سے کیا تو ”آپ صلی اللہ علیہ وسلم نے انہیں حکم دیا کہ وہ سونے کی ناک بنوا لیں“، ابو عامر حوثرہ رحمہ اللہ بیان کرتے ہیں کہ عبدالرحمٰن رحمہ اللہ کا کہنا تھا کہ انہوں نے اپنے دادا کی وہ (سونے کی) ناک خود دیکھی تھی۔ [مسند أبي يعلى الموصلي/مسند عرفجة بن أسعد/حدیث: 1501]

سیدنا عرفجہ رضی اللہ عنہ سے روایت ہے اور ان کے پوتے عبد الرحمن بن طرفہ رحمہ اللہ (جو اپنے دادا سیدنا عرفجہ رضی اللہ عنہ سے ملاقات کا ذکر کرتے ہیں) بیان کرتے ہیں کہ ”جنگِ کُلاب میں سیدنا عرفجہ رضی اللہ عنہ کی ناک کٹ گئی تھی، تو انہوں نے چاندی کی ایک ناک بنوائی مگر اس میں تعفن پیدا ہو گیا، چنانچہ نبی کریم صلی اللہ علیہ وسلم نے انہیں حکم دیا کہ وہ سونے کی ناک بنوا لیں۔“ [مسند أبي يعلى الموصلي/مسند عرفجة بن أسعد/حدیث: 1502]