سیدنا قیس بن حارث رضی اللہ عنہ سے روایت ہے کہ انہوں نے بیان کیا کہ ”میں جب حلقہ بگوشِ اسلام ہوا تو میرے نکاح میں آٹھ بیویاں تھیں، پھر میں نبی کریم صلی اللہ علیہ وسلم کی خدمتِ اقدس میں حاضر ہوا اور آپ صلی اللہ علیہ وسلم سے اس معاملے کا تذکرہ کیا، تو آپ صلی اللہ علیہ وسلم نے ارشاد فرمایا: ”تم ان میں سے چار کا انتخاب کر لو۔““ [مسند أبي يعلى الموصلي/حديث قيس بن الحارث/حدیث: 6872]

محمد بن اسحاق رحمہ اللہ سے روایت ہے کہ انہوں نے بیان کیا: ”بنو تمیم کا وفد رسول اللہ صلی اللہ علیہ وسلم کی خدمتِ اقدس میں حاضر ہوا، جن میں سیدنا قیس بن حارث رضی اللہ عنہ بھی شامل تھے“۔ [مسند أبي يعلى الموصلي/حديث قيس بن الحارث/حدیث: 6873]

سیدنا قیس بن حارث رضی اللہ عنہ سے مروی ہے کہ نبی کریم صلی اللہ علیہ وسلم نے ”اسی کے مانند“ ارشاد فرمایا؛ امام ابو عبداللہ رحمہ اللہ فرماتے ہیں کہ یہ روایت ثوری رحمہ اللہ، محمد بن سائب رحمہ اللہ اور حمیضہ بن شمردل رحمہ اللہ کی سند سے بھی منقول ہے۔ [مسند أبي يعلى الموصلي/حديث قيس بن الحارث/حدیث: 6874]