اللہ تعالیٰ کے اس ارشاد کے بیان میں کہ: ”یہ رسول ہیں جن میں سے ہم نے بعض کو بعض پر فضیلت عطا فرمائی ہے، ان میں سے کچھ وہ ہیں جن سے اللہ نے کلام فرمایا اور ان میں سے بعض کے درجات بلند کیے، اور ہم نے عیسیٰ بن مریم کو واضح نشانیاں عطا فرمائیں اور روح القدس کے ذریعے ان کی تائید فرمائی، اور اگر اللہ چاہتا تو ان رسولوں کے بعد آنے والے لوگ اپنے پاس روشن دلائل آ جانے کے بعد باہم دست و گریبان نہ ہوتے، لیکن انہوں نے اختلاف کیا، پس ان میں سے کوئی ایمان لایا اور کسی نے کفر کیا، اور اگر اللہ چاہتا تو وہ باہم قتال نہ کرتے، لیکن اللہ جو چاہتا ہے وہی کرتا ہے۔“