اللہ تعالیٰ کا یہ فرمان کہ ”جو لوگ سود کھاتے ہیں وہ (قیامت کے دن) نہیں اٹھیں گے مگر اسی شخص کی مانند جسے شیطان نے چھو کر مخبوط الحواس کر دیا ہو، یہ اس سبب سے ہے کہ انہوں نے کہا کہ تجارت بھی تو سود ہی کی مانند ہے، حالانکہ اللہ نے تجارت کو حلال اور سود کو حرام قرار دیا ہے، پس جس کے پاس اس کے رب کی جانب سے نصیحت پہنچی اور وہ باز آ گیا تو جو پہلے ہو چکا وہ اسی کا ہے اور اس کا معاملہ اللہ کے سپرد ہے، اور جس نے دوبارہ یہی (سود خوری) کی تو وہی لوگ دوزخی ہیں، وہ اس میں ہمیشہ رہیں گے“۔