اللہ تعالیٰ کے اس ارشاد کا بیان: ”اے وہ لوگو جو ایمان لائے ہو! جب تم ایک مقررہ مدت تک کے لیے آپس میں ادھار کا لین دین کرو تو اسے لکھ لیا کرو، اور چاہیے کہ تمہارے درمیان کوئی لکھنے والا انصاف کے ساتھ دستاویز تحریر کرے، اور کوئی کاتب لکھنے سے انکار نہ کرے جیسا کہ اللہ نے اسے سکھایا ہے، پس اسے چاہیے کہ وہ لکھے اور وہ شخص عبارت املا کرائے جس پر حق واجب ہے اور وہ اپنے رب اللہ سے ڈرے اور اس میں سے کچھ بھی کم نہ کرے، پھر اگر وہ شخص جس پر حق واجب ہے نادان ہو یا کمزور ہو یا خود املا کرانے کی طاقت نہ رکھتا ہو تو اس کا سرپرست انصاف کے ساتھ املا کرائے، اور اپنے مردوں میں سے دو گواہ بنا لیا کرو، پھر اگر دو مرد نہ ہوں تو ایک مرد اور دو عورتیں ہوں ان گواہوں میں سے جنہیں تم پسند کرتے ہو تاکہ اگر ان دونوں عورتوں میں سے ایک بھول جائے تو دوسری اسے یاد دلا دے، اور جب گواہ بلائے جائیں تو وہ انکار نہ کریں، اور معاملہ خواہ چھوٹا ہو یا بڑا، اسے اس کی مدت تک کے لیے لکھنے میں اکتاہٹ محسوس نہ کرو، یہ اللہ کے نزدیک زیادہ قرینِ انصاف، گواہی کو زیادہ درست رکھنے والا اور اس بات کے زیادہ قریب ہے کہ تم شک میں نہ پڑو؛ سوائے اس کے کہ وہ نقد تجارت ہو جسے تم آپس میں دست بدست انجام دے رہے ہو تو اسے نہ لکھنے میں تم پر کوئی گناہ نہیں، اور جب تم خرید و فروخت کرو تو گواہ بنا لیا کرو، اور نہ کسی کاتب کو نقصان پہنچایا جائے اور نہ کسی گواہ کو، اور اگر تم ایسا کرو گے تو یہ تمہاری طرف سے نافرمانی ہو گی، اور اللہ سے ڈرو، اور اللہ تمہیں تعلیم دے رہا ہے اور اللہ ہر چیز کا خوب جاننے والا ہے“۔