اللہ تعالیٰ کا ارشاد ”اور جو لوگ اپنی بیویوں پر (بدکاری کی) تہمت لگاتے ہیں اور ان کے پاس خود ان کے سوا کوئی گواہ نہ ہوں، تو ان میں سے ایک کی گواہی یہ ہے کہ وہ اللہ کی قسم کھا کر چار مرتبہ یہ شہادت دے کہ وہ یقیناً سچا ہے، اور پانچویں مرتبہ یہ کہے کہ اس پر اللہ کی لعنت ہو اگر وہ جھوٹ بولنے والوں میں سے ہو۔ اور اس عورت سے سزا (حد) اس طرح ٹل سکتی ہے کہ وہ اللہ کی قسم کھا کر چار مرتبہ یہ شہادت دے کہ یقیناً وہ شخص (شوہر) جھوٹا ہے، اور پانچویں مرتبہ یہ کہے کہ اس عورت پر اللہ کا غضب ہو اگر وہ شخص سچ بولنے والوں میں سے ہو۔“