اللہ تعالیٰ کے اس فرمان کے متعلق ہے کہ ”الف لام میم۔ رومی مغلوب ہو گئے ہیں، (اہلِ عرب سے) قریب ترین سرزمین میں، اور وہ اپنی اس مغلوبیت کے بعد عنقریب غالب آ جائیں گے، چند ہی سالوں کے اندر؛ اللہ ہی کا حکم و اختیار ہے پہلے بھی اور بعد میں بھی، اور اس دن اہلِ ایمان اللہ کی نصرت پر شادمان ہوں گے، وہ جس کی چاہتا ہے مدد فرماتا ہے اور وہی زبردست غلبے والا اور نہایت رحم فرمانے والا ہے؛ یہ اللہ کا وعدہ ہے، اللہ اپنے وعدے کی خلاف ورزی نہیں کرتا لیکن اکثر لوگ (اس حقیقت کا) علم نہیں رکھتے۔“