اللہ تعالیٰ کے اس فرمان کے بیان میں کہ ”اس جنت کی شان جس کا وعدہ تقویٰ شعار لوگوں سے کیا گیا ہے (یہ ہے کہ) اس میں ایسے پانی کی نہریں ہیں جس میں بو پیدا نہیں ہوتی اور نہ ہی اس کا رنگ و ذائقہ بدلتا ہے، اور ایسے دودھ کی نہریں ہیں جس کا مزہ نہیں بگڑا، اور پینے والوں کے لیے سراپا لذت شراب کی نہریں ہیں، اور بالکل صاف و شفاف شہد کی نہریں ہیں، اور ان کے لیے وہاں ہر طرح کے پھل ہیں اور ان کے پروردگار کی جانب سے مغفرت ہے؛ کیا (ایسے لوگ) ان کی طرح ہو سکتے ہیں جو ہمیشہ آگ میں رہنے والے ہیں اور جنہیں نہایت کھولتا ہوا پانی پلایا جائے گا تو وہ ان کی آنتوں کے ٹکڑے ٹکڑے کر دے گا؟“