اللہ تعالیٰ کے اس ارشاد کے بیان میں ”جس وقت اللہ فرمائے گا کہ اے عیسیٰ ابنِ مریم! تم میری اس نعمت کو یاد کرو جو میں نے تم پر اور تمہاری والدہ پر کی، جب میں نے روح القدس کے ذریعے تمہاری تائید کی، تم گہوارے میں اور پختہ عمری میں لوگوں سے کلام کرتے تھے، اور جب میں نے تمہیں کتاب و حکمت اور تورات و انجیل کی تعلیم دی، اور جب تم میرے حکم سے مٹی سے پرندے کی مانند ایک مورت بناتے تھے پھر تم اس میں پھونک مارتے تھے تو وہ میرے حکم سے پرندہ بن جاتا تھا، اور تم مادر زاد اندھے اور برص کے مریض کو میرے حکم سے تندرست کر دیتے تھے، اور جب تم میرے حکم سے مردوں کو (قبروں سے زندہ کر کے) نکال کھڑا کرتے تھے، اور جب میں نے بنی اسرائیل کو تم سے باز رکھا جب تم ان کے پاس واضح نشانیاں لے کر آئے تو ان میں سے کافروں نے کہا کہ یہ تو محض ایک کھلا ہوا جادو ہے“۔