”اور جب ان کے سامنے ہماری واضح اور روشن آیات تلاوت کی جاتی ہیں تو وہ لوگ جو ہم سے ملاقات کی توقع نہیں رکھتے، کہتے ہیں کہ اس کے بجائے کوئی دوسرا قرآن لے آئیے یا اس میں کچھ ترمیم و تبدیلی کر دیجیے؛ آپ فرما دیجیے کہ میرا یہ منصب نہیں کہ میں اپنی طرف سے اس میں کوئی تبدیلی کروں، میں تو صرف اسی وحی کا متبع ہوں جو میری جانب بھیجی جاتی ہے، اگر میں اپنے رب کی نافرمانی کروں تو یقیناً میں ایک بڑے ہولناک دن کے عذاب سے ڈرتا ہوں۔ آپ فرما دیجیے کہ اگر اللہ چاہتا تو نہ میں یہ تمہارے سامنے پڑھ کر سناتا اور نہ ہی اللہ تمہیں اس سے باخبر کرتا، میں اس نزولِ قرآن سے پہلے تمہارے درمیان ایک طویل عمر گزار چکا ہوں، تو کیا تم عقل سے کام نہیں لیتے؟“