”اور کاش تم (وہ منظر) دیکھ سکو جب وہ (عذاب دیکھ کر) سخت گھبراہٹ میں ہوں گے، پھر وہ (گرفت سے) بچ نہ سکیں گے اور وہ قریب ہی کی جگہ سے پکڑ لیے جائیں گے، اور وہ کہیں گے کہ ”ہم اس (حق) پر ایمان لائے“، بھلا اب اتنی دور کی جگہ سے (ایمان کا) پا لینا ان کے لیے کہاں ممکن ہے؟ حالانکہ وہ اس سے پہلے اس کے ساتھ کفر کر چکے تھے اور بن دیکھے دور دراز مقام سے (حق کے خلاف) بے بنیاد باتیں ہانکتے تھے، اور ان کے درمیان اور ان کی خواہشات کے درمیان آڑ ڈال دی گئی جیسا کہ ان سے پہلے ان کے ہم مشرب لوگوں کے ساتھ کیا گیا تھا، بے شک وہ سب ایسے شک میں پڑے ہوئے تھے جس نے انہیں اضطراب میں ڈال رکھا تھا۔“