اللہ تعالیٰ کے اس ارشاد کے بیان میں ”اے ایمان والو! تم اللہ کے حضور ایسی توبہ کرو جو مخلصانہ اور پختہ ہو، قریب ہے کہ تمہارا رب تمہاری خطائیں تم سے دور کر دے اور تمہیں ایسی جنتوں میں داخل فرمائے جن کے نیچے نہریں بہہ رہی ہیں، اس دن اللہ (اپنے) نبی کو اور ان ایمان والوں کو جو ان کے ساتھ ہیں رسوا نہیں کرے گا، ان کا نور ان کے سامنے اور ان کے دائیں جانب دوڑ رہا ہوگا، وہ عرض کر رہے ہوں گے کہ اے ہمارے رب! ہمارے لیے ہمارا نور کامل فرما دے اور ہمیں بخش دے، بے شک تو ہر چیز پر کامل قدرت رکھنے والا ہے۔“