دوم، اللہ عزوجل کے اس ارشاد کے بیان میں ”کیا آپ تک موسیٰ (علیہ السلام) کا قصہ پہنچا ہے؟ جب ان کے پروردگار نے انہیں طویٰ کی مقدس وادی میں پکارا تھا کہ تم فرعون کے پاس جاؤ کیونکہ وہ سرکش ہو گیا ہے، پھر اس سے کہو کہ کیا تیرا جی چاہتا ہے کہ تو پاکیزگی اختیار کر لے؟ اور یہ کہ میں تیرے رب کی طرف تیری رہنمائی کروں تاکہ تو (اس کے جلال سے) ڈرنے لگے، پھر موسیٰ نے اسے (اپنی نبوت کی) سب سے بڑی نشانی دکھائی، مگر اس نے اسے جھٹلا دیا اور نافرمانی کی، پھر وہ پیٹھ موڑ کر (حق کی مخالفت میں) تگ و دو کرنے لگا، پس اس نے (اپنی قوم کو) اکٹھا کیا اور بلند آواز سے پکارا، پھر کہنے لگا کہ میں ہی تمہارا سب سے برتر رب ہوں، تو اللہ تعالیٰ نے اسے آخرت اور دنیا (دونوں) کے عبرت ناک عذاب میں جکڑ لیا۔“