اللہ تعالیٰ کا ارشاد کہ ”وہی ہے جس نے آپ پر کتاب نازل فرمائی، جس میں سے کچھ آیات ’محکم‘ ہیں جو کتاب کی اصل بنیاد ہیں اور دوسری ’متشابہ‘ ہیں، پس جن لوگوں کے دلوں میں کجی ہے وہ فتنے کی تلاش اور اس کی (من مانی) تاویل کی خاطر ان (آیات) کے پیچھے پڑے رہتے ہیں جو متشابہ ہیں، حالانکہ ان کی (حقیقی) تاویل اللہ کے سوا کوئی نہیں جانتا، اور جو علم میں پختگی رکھنے والے ہیں وہ کہتے ہیں کہ ہم اس پر ایمان لائے، یہ سب ہمارے رب ہی کی طرف سے ہے، اور نصیحت صرف وہی لوگ حاصل کرتے ہیں جو عقل و دانش والے ہیں۔“