”اور جب اللہ فرمائے گا کہ اے عیسیٰ ابن مریم! کیا تم نے لوگوں سے کہا تھا کہ اللہ کے سوا مجھے اور میری ماں کو دو معبود بنا لو؟ وہ عرض کریں گے کہ تیری ذات پاک ہے، میرے لیے یہ قطعاً مناسب نہ تھا کہ میں ایسی بات کہوں جس کا مجھے حق نہ تھا؛ اگر میں نے یہ بات کہی ہوتی تو تو اسے ضرور جانتا، تو میرے دل کی بات جانتا ہے اور میں تیرے علم کی باتوں کو نہیں جانتا، بے شک تو ہی تمام غیبوں کا جاننے والا ہے۔ میں نے ان سے اس کے سوا کچھ نہیں کہا جس کا تو نے مجھے حکم دیا تھا کہ تم اللہ کی عبادت کرو جو میرا بھی رب ہے اور تمہارا بھی رب ہے، اور میں ان کے حالات پر اس وقت تک مطلع رہا جب تک میں ان میں موجود تھا، پھر جب تو نے مجھے اٹھا لیا تو تو ہی ان کا نگہبان تھا اور تو ہر چیز پر گواہ ہے۔ اگر تو انہیں عذاب دے تو وہ تیرے بندے ہیں اور اگر تو انہیں معاف فرما دے تو یقیناً تو ہی نہایت غالب اور حکمت والا ہے۔“