سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے سیدنا عمر رضی اللہ عنہ کے قبولِ اسلام کے وقت ان کے سینے پر اپنے دستِ مبارک سے تین مرتبہ تھپکی دی اور آپ صلی اللہ علیہ وسلم فرما رہے تھے: «اللَّهُمَّ أَخْرِجْ مَا فِي صَدْرِهِ مِنْ غِلٍّ، وَأَبْدِلْهُ إِيمَانًا» ”اے اللہ! اس کے سینے میں جو کینہ ہے اسے نکال دے اور اسے ایمان سے بدل دے۔“ آپ صلی اللہ علیہ وسلم نے یہ کلمات تین مرتبہ ارشاد فرمائے۔
امام طبرانی رحمہ اللہ فرماتے ہیں: ”سالم رحمہ اللہ سے اس حدیث کو صرف خالد بن ابی بکر رحمہ اللہ نے ہی روایت کیا ہے۔“ [المعجم الأوسط/باب الألف/حدیث: 1096]