سیدنا جابر رضی اللہ عنہما سے روایت ہے کہ نبی کریم صلی اللہ علیہ وسلم کا گزر ایک ایسے شخص پر ہوا جو وضو کرتے ہوئے اپنے موزے دھو رہا تھا، تو آپ صلی اللہ علیہ وسلم نے اسے اپنے پاؤں سے (متوجہ کرنے کے لیے) کچوکا دیا اور فرمایا: ”سنت اس طرح نہیں ہے، ہمیں موزوں پر مسح کرنے کا حکم دیا گیا ہے، اس طرح۔“ اور آپ صلی اللہ علیہ وسلم نے اپنے ہاتھوں کو اپنے موزوں پر پھیر کر دکھایا۔
یہ حدیث سیدنا جابر رضی اللہ عنہما سے صرف اسی سند کے ساتھ مروی ہے، اور بقیہ رحمہ اللہ اسے بیان کرنے میں منفرد ہیں۔ [المعجم الأوسط/باب الألف/حدیث: 1135]