سیدنا حکیم بن حزام رضی اللہ عنہ سے روایت ہے کہ انہوں نے فرمایا: ”رسول اللہ صلی اللہ علیہ وسلم نے عورتوں کو صدقہ کرنے کا حکم دیا، انہیں اس کی ترغیب دلائی اور فرمایا: ”تم صدقہ کیا کرو، کیونکہ تم اہل جہنم کی اکثریت ہو۔“ ان میں سے ایک عورت نے عرض کیا: اے اللہ کے رسول! یہ کس بنا پر ہے؟ آپ صلی اللہ علیہ وسلم نے فرمایا: ”اس لیے کہ تم بکثرت لعن طعن کرتی ہو، نیک کام میں ٹال مٹول کرتی ہو اور شوہر کی ناشکری کرتی ہو۔““ [المعجم الأوسط/باب الألف/حدیث: 1156]