سیدنا عبداللہ بن عمرو بن عاص رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”جس کسی شخص کے پاس اس کا چچا زاد بھائی آئے اور اس سے اس کے فالتو مال یا ضرورت سے زائد شے کا سوال کرے، پھر وہ اسے (دینے سے) محروم کر دے، تو اللہ تعالیٰ قیامت کے دن اسے اپنے فضل سے محروم کر دے گا۔ اور جس شخص نے (زائد) پانی کو اس غرض سے روکا تاکہ اس کے ذریعے زائد گھاس کو (مویشیوں سے) بچا سکے، تو اللہ تعالیٰ قیامت کے دن اسے اپنے فضل سے محروم کر دے گا۔“
امام طبرانی رحمہ اللہ فرماتے ہیں: ”اعمش سے اس حدیث کو جریر رحمہ اللہ کے علاوہ کسی نے روایت نہیں کیا، اور اسے روایت کرنے میں محمد بن حسن رحمہ اللہ منفرد ہیں۔“ [المعجم الأوسط/باب الألف/حدیث: 1195]