سیدنا عمران بن حصین رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”میری امت میں سے ستر ہزار افراد بلا حساب جنت میں داخل ہوں گے، (یہ وہ لوگ ہیں) جو نہ (آگ سے) داغ کر علاج کرواتے ہیں، نہ دم کرواتے ہیں اور نہ ہی بدشگونی لیتے ہیں، بلکہ وہ اپنے رب پر ہی توکل کرتے ہیں۔“
امام طبرانی رحمہ اللہ فرماتے ہیں: ”اس حدیث کو ابو حرہ رحمہ اللہ سے صرف ابو علی حنفی عبید اللہ بن عبد المجید رحمہ اللہ نے ہی روایت کیا ہے، اور ان سے روایت کرنے میں ابو الجوزاء رحمہ اللہ منفرد ہیں۔“ [المعجم الأوسط/باب الألف/حدیث: 1212]