سیدنا جابر رضی اللہ عنہما سے روایت ہے کہ انہوں نے رسول اللہ صلی اللہ علیہ وسلم کو یہ فرماتے ہوئے سنا: «اللَّهُمَّ إِنِّي أَسْأَلُكَ عِلْمًا نَافِعًا وَعَمَلًا مُتَقَبَّلًا» ”اے اللہ! میں تجھ سے نفع بخش علم اور مقبول عمل کا سوال کرتا ہوں۔“
امام طبرانی رحمہ اللہ فرماتے ہیں: ”اس حدیث کو محمد بن سوقہ رحمہ اللہ سے صرف جعفر رحمہ اللہ نے، اور جعفر رحمہ اللہ سے صرف اسحاق رحمہ اللہ نے روایت کیا ہے۔ نیز حسین بن علی رحمہ اللہ اپنے والد سے (اس کی روایت میں) منفرد ہیں۔“ [المعجم الأوسط/باب الألف/حدیث: 1315]