سیدنا براء بن عازب رضی اللہ عنہ سے روایت ہے کہ انہوں نے فرمایا: ”میں نے رسول اللہ صلی اللہ علیہ وسلم کو یہ فرماتے ہوئے سنا: ”انصار سے صرف مومن ہی محبت رکھتا ہے اور ان سے صرف منافق ہی بغض رکھتا ہے۔““
امام طبرانی رحمہ اللہ فرماتے ہیں: ”اس حدیث کو شعبہ رحمہ اللہ سے، وہ ابو اسحاق رحمہ اللہ سے، محمد بن عرعرہ رحمہ اللہ کے علاوہ کسی نے روایت نہیں کیا، اس کی روایت میں محمد بن لیث رحمہ اللہ منفرد ہیں؛ اور شعبہ رحمہ اللہ کی یہ حدیث عدی بن ثابت رحمہ اللہ کے واسطے سے مشہور ہے۔“ [المعجم الأوسط/باب الألف/حدیث: 1317]