سیدنا ابن عباس رضی اللہ عنہما سے روایت ہے کہ انہوں نے فرمایا: ”رسول اللہ صلی اللہ علیہ وسلم عرفہ کے دن صبح کے وقت منیٰ سے روانہ ہوئے، چنانچہ جب آپ صلی اللہ علیہ وسلم کی اونٹنی آپ صلی اللہ علیہ وسلم کو لے کر کھڑی ہوئی اور اس پر ایک مخملی چادر تھی جو (محض) چار درہم میں خریدی گئی تھی، تو آپ صلی اللہ علیہ وسلم نے دعا فرمائی: «اللَّهُمَّ اجْعَلْهَا حَجَّةً مَبْرُورَةً، لَا رِيَاءَ فِيهَا، وَلَا سُمْعَةَ» ”اے اللہ! اسے ایسا حجِ مبرور (مقبول حج) بنا دے جس میں نہ دکھاوا ہو اور نہ شہرت کی طلب۔““
امام طبرانی رحمہ اللہ فرماتے ہیں: ”ابن جریج رحمہ اللہ سے اس حدیث کو صرف محمد بن یزید رحمہ اللہ نے روایت کیا ہے، جبکہ ان سے اس کی روایت میں ابن ابی بزہ رحمہ اللہ منفرد ہیں۔“ [المعجم الأوسط/باب الألف/حدیث: 1378]