سیدنا ابوسعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جس نے سورہ کہف کی تلاوت کی، تو قیامت کے دن اس کے لیے اس کے مقام سے لے کر مکہ تک ایک نور ہوگا، اور جس نے اس (سورت) کے آخری دس آیات پڑھیں، پھر دجال نکل آیا تو وہ اسے کوئی نقصان نہیں پہنچا سکے گا، اور جس نے وضو کیا، پھر یہ دعا پڑھی: «سُبْحَانَكَ اللَّهُمَّ وَبِحَمْدِكَ، لَا إِلَهَ إِلَّا أَنْتَ، أَسْتَغْفِرُكَ وَأَتُوبُ إِلَيْكَ» ”اے اللہ! تو اپنی تعریفوں کے ساتھ پاک ہے، تیرے سوا کوئی معبودِ برحق نہیں، میں تجھ سے بخشش طلب کرتا ہوں اور تیری ہی طرف توبہ کرتا ہوں“، تو اسے ایک باریک چمڑے (یا کاغذ) پر لکھ دیا جاتا ہے، پھر اس پر مہر لگا دی جاتی ہے جسے قیامت کے دن تک توڑا نہیں جائے گا۔“
امام طبرانی رحمہ اللہ فرماتے ہیں: ”اس حدیث کو شعبہ رحمہ اللہ سے مرفوعاً صرف یحییٰ بن کثیر رحمہ اللہ نے ہی روایت کیا ہے۔“ [المعجم الأوسط/باب الألف/حدیث: 1455]