سیدنا مخارق رضی اللہ عنہ سے روایت ہے کہ ایک شخص نبی صلی اللہ علیہ وسلم کی خدمت میں حاضر ہوا اور عرض کیا: ”آپ کی کیا رائے ہے (میں کیا کروں) اگر کوئی شخص مجھے کسی بیابان میں ملے اور میرا مال چھیننا چاہے؟“ آپ صلی اللہ علیہ وسلم نے فرمایا: ”اسے اللہ عزوجل کا خوف دلا۔“
اس نے عرض کیا: ”اے اللہ کے رسول! اگر وہ نصیحت حاصل نہ کرے؟“ آپ صلی اللہ علیہ وسلم نے فرمایا: ”تو اپنے اردگرد موجود مسلمانوں سے اس کے خلاف مدد طلب کر۔“ اس نے عرض کیا: ”اگر میرے پاس کوئی موجود نہ ہو؟“ آپ صلی اللہ علیہ وسلم نے فرمایا: ”تو پھر حاکمِ وقت سے اس کے خلاف مدد حاصل کر۔“
اس نے عرض کیا: ”اگر حاکمِ وقت بھی مجھ سے دور ہو؟“ آپ صلی اللہ علیہ وسلم نے فرمایا: ”تو اپنے مال کی حفاظت کے لیے (اس سے) قتال کر، یہاں تک کہ تو آخرت کے شہداء میں شامل ہو جائے یا اپنا مال بچا لے۔“ [المعجم الأوسط/باب الألف/حدیث: 1611]