سیدنا قطبہ بن قتادہ السدوسی رضی اللہ عنہ بیان کرتے ہیں کہ میں نے عرض کی: ”اے اللہ کے رسول! صلی اللہ علیہ وسلم اپنا ہاتھ بڑھائیے تاکہ میں اپنی طرف سے اور اپنی بیٹی حویصلہ کی طرف سے آپ کی بیعت کروں، اور اگر میں اللہ پر جھوٹ بولتا تو آپ کو دھوکا دیتا۔“
وہ بیان کرتے ہیں کہ (ایک موقع پر) سیدنا خالد بن ولید رضی اللہ عنہ نے اپنے شہسواروں کے ساتھ ہم پر حملہ کیا تو ہم نے کہا: ”ہم مسلمان ہیں“، چنانچہ انہوں نے ہمیں چھوڑ دیا۔ پھر ہم نے ان کے ساتھ مل کر «الأبلة» کے مقام پر غزوہ کیا، پس ہم نے اسے (مالِ غنیمت کو) تقسیم کیا اور اپنے ہاتھوں کو بھر لیا۔
امام طبرانی رحمہ اللہ فرماتے ہیں: ”یہ حدیث سیدنا قطبہ رضی اللہ عنہ سے صرف اسی سند کے ساتھ مروی ہے، اور عون اسے بیان کرنے میں منفرد ہیں۔“ [المعجم الأوسط/باب الألف/حدیث: 1614]