سیدنا علی رضی اللہ عنہ سے روایت ہے کہ انہوں نے فرمایا: ”رسول اللہ صلی اللہ علیہ وسلم جمعہ سے پہلے چار رکعات اور اس کے بعد چار رکعات نماز ادا فرماتے تھے، اور آپ صلی اللہ علیہ وسلم ان کے آخری حصے میں سلام پھیرتے تھے۔“
امام طبرانی رحمہ اللہ فرماتے ہیں: ”اس حدیث کو ابو اسحاق رحمہ اللہ سے صرف حصین رحمہ اللہ نے روایت کیا ہے، اور حصین رحمہ اللہ سے اسے صرف محمد بن عبد الرحمن السہمی رحمہ اللہ نے روایت کیا ہے۔“ [المعجم الأوسط/باب الألف/حدیث: 1617]