سیدنا جابر رضی اللہ عنہما سے روایت ہے کہ انہوں نے فرمایا: ”ہم ایک ڈھال پر رکھ کر کھجوریں کھا رہے تھے کہ نبی صلی اللہ علیہ وسلم ہمارے پاس سے گزرے، آپ صلی اللہ علیہ وسلم قضائے حاجت سے فارغ ہو کر تشریف لائے تھے۔ ہم نے عرض کی: ”تشریف لائیے!“ تو آپ صلی اللہ علیہ وسلم آگے بڑھے اور ہمارے ساتھ کھجوریں کھائیں اور آپ صلی اللہ علیہ وسلم نے پانی کو ہاتھ نہیں لگایا۔“
امام طبرانی رحمہ اللہ فرماتے ہیں: ”اس حدیث کو ابوزبیر رحمہ اللہ سے صرف عمرو رحمہ اللہ نے روایت کیا ہے اور اس کی روایت میں موسیٰ رحمہ اللہ منفرد ہیں۔“ [المعجم الأوسط/باب الألف/حدیث: 1624]