عبد خیر رحمہ اللہ بیان کرتے ہیں کہ میں نے سیدنا علی رضی اللہ عنہ کو فرماتے ہوئے سنا: ”رسول اللہ صلی اللہ علیہ وسلم سب سے آگے نکل گئے، سیدنا ابوبکر رضی اللہ عنہ دوسرے نمبر پر رہے اور سیدنا عمر رضی اللہ عنہ تیسرے نمبر پر آئے، پھر ہمیں فتنے نے اپنی لپیٹ میں لے لیا «فَمَا شَاءَ اللهُ» (پھر وہی ہوا جو اللہ نے چاہا)۔“
امام طبرانی رحمہ اللہ فرماتے ہیں: ”خالد رحمہ اللہ سے اس حدیث کو صرف ابوالاحوص رحمہ اللہ نے، اور ابوالاحوص رحمہ اللہ سے صرف معاویہ رحمہ اللہ نے روایت کیا ہے، جبکہ محمد بن مصفیٰ رحمہ اللہ اسے روایت کرنے میں منفرد ہیں۔“ [المعجم الأوسط/باب الألف/حدیث: 1639]