ام المومنین سیدہ عائشہ رضی اللہ عنہا سے روایت ہے کہ انہوں نے فرمایا: ”ایک شخص رسول اللہ صلی اللہ علیہ وسلم کے پاس سے گزرا تو آپ صلی اللہ علیہ وسلم نے فرمایا: ”یہ اللہ کا کتنا برا بندہ اور اپنے قبیلے کا کتنا برا بھائی ہے!“ پھر اس کے بعد وہ آپ صلی اللہ علیہ وسلم کی خدمت میں حاضر ہوا تو میں نے دیکھا کہ آپ صلی اللہ علیہ وسلم اس کی طرف (خندہ پیشانی کے ساتھ) متوجہ ہوئے، گویا آپ صلی اللہ علیہ وسلم کے ہاں اس کا کوئی خاص مقام و مرتبہ ہے۔“
امام طبرانی رحمہ اللہ فرماتے ہیں: ”اس حدیث کو ابوالاحوص رحمہ اللہ سے صرف ابراہیم رحمہ اللہ نے روایت کیا ہے اور اسے نقل کرنے میں شعبہ رحمہ اللہ منفرد ہیں۔“ [المعجم الأوسط/باب الألف/حدیث: 1681]