سیدنا ابوذر رضی اللہ عنہ نبی کریم صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”اللہ عزوجل نے فرمایا: ”برائی ایک ہی ہے (یعنی ایک کا بدلہ ایک ہی لکھا جاتا ہے) یا میں اسے معاف کر دیتا ہوں، اور نیکی کا بدلہ دس گنا ہے یا میں اس سے بھی زیادہ کر دیتا ہوں۔ اور جو شخص زمین بھر گناہوں کے ساتھ میرے پاس آئے بشرطیکہ وہ میرے ساتھ کسی چیز کو شریک نہ ٹھہراتا ہو، تو میں اتنی ہی مغفرت اس کے لیے کر دیتا ہوں۔ اور جو شخص میری طرف ایک بالشت قریب ہوتا ہے، میں اس کی طرف ایک ہاتھ قریب ہو جاتا ہوں، اور جو میری طرف ایک ہاتھ قریب ہوتا ہے، میں اس کی طرف ایک «بَاعًا» (دونوں ہاتھوں کے پھیلاؤ) کے برابر قریب ہو جاتا ہوں، اور جو میری طرف چل کر آتا ہے، میں اس کی طرف «هَرْوَلَةً» (تیزی سے) آتا ہوں۔““ [المعجم الأوسط/باب الألف/حدیث: 1714]