سیدنا حسین بن علی رضی اللہ عنہما سے روایت ہے کہ انہوں نے فرمایا: ”انصار عقبہ کے مقام پر رسول اللہ صلی اللہ علیہ وسلم کی بیعت کرنے کے لیے آئے، تو آپ صلی اللہ علیہ وسلم نے فرمایا: «قُمْ يَا عَلِيُّ فَبَايِعْهُمْ» ”اے علی! اٹھو اور ان سے بیعت لو۔“ انہوں نے عرض کیا: ”اے اللہ کے رسول! میں کس بات پر ان سے بیعت لوں؟“ آپ صلی اللہ علیہ وسلم نے فرمایا: ”اس بات پر کہ اللہ کی اطاعت کی جائے گی اور اس کی نافرمانی نہیں کی جائے گی، اور یہ کہ تم رسول اللہ، ان کے اہل بیت اور ان کی ذریت کی اس طرح حفاظت کرو گے جس طرح تم اپنی جانوں اور اپنی اولاد کی حفاظت کرتے ہو۔““
امام طبرانی رحمہ اللہ فرماتے ہیں: ”اس حدیث کو جعفر سے سوائے حسین کے کسی نے روایت نہیں کیا، اور عبد اللہ بن مروان اسے روایت کرنے میں منفرد ہیں۔“ [المعجم الأوسط/باب الألف/حدیث: 1745]