سیدنا ابن مسعود رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”اللہ تعالیٰ اس بندے کو کبھی نامراد نہیں کرتا جو رات کے درمیانی حصے میں (نماز کے لیے) کھڑا ہوا، پھر اس نے سورۃ البقرہ اور آلِ عمران کا آغاز کیا؛ اور انسان کے لیے سورۃ البقرہ اور آلِ عمران کیا ہی بہترین خزانہ ہیں۔“
امام طبرانی رحمہ اللہ فرماتے ہیں: ”اس حدیث کو شعبی رحمہ اللہ سے صرف لیث رحمہ اللہ نے روایت کیا ہے، اور لیث رحمہ اللہ سے صرف فضیل رحمہ اللہ نے، جبکہ بشر رحمہ اللہ اس کی روایت میں منفرد ہیں۔“ [المعجم الأوسط/باب الألف/حدیث: 1772]