سیدنا سہل بن سعد رضی اللہ عنہ سے روایت ہے، وہ فرماتے ہیں کہ میں نے نبی کریم صلی اللہ علیہ وسلم کو یہ فرماتے ہوئے سنا: ”بے شک سیدنا بلال رضی اللہ عنہ رات ہی میں اذان دے دیتے ہیں، لہٰذا تم کھاتے پیتے رہو یہاں تک کہ سیدنا ابنِ امِ مکتوم رضی اللہ عنہ اذان دیں۔“
اور امام شافعی رحمہ اللہ اپنی روایت میں یہ اضافہ کرتے تھے: ”اور سیدنا ابنِ امِ مکتوم رضی اللہ عنہ اس وقت تک اذان نہیں دیتے تھے جب تک ان سے یہ نہ کہا جاتا: «أَصْبَحْتَ أَصْبَحْتَ» ”صبح ہو گئی، صبح ہو گئی۔““
امام طبرانی رحمہ اللہ فرماتے ہیں: ”اس حدیث کو امام مالک رحمہ اللہ سے ابنِ وہب رحمہ اللہ اور امام شافعی رحمہ اللہ کے علاوہ کسی نے روایت نہیں کیا۔“ [المعجم الأوسط/باب الألف/حدیث: 1881]