عبدالرحمٰن بن ابی امیہ رحمہ اللہ سے روایت ہے کہ سیدنا حبیب بن مسلمہ رضی اللہ عنہ، سیدنا قیس بن سعد بن عبادہ رضی اللہ عنہ کے پاس پہلے فتنے کے زمانے میں آئے جبکہ وہ گھوڑے پر سوار تھے، تو انہوں نے ان کے لیے زین کے اگلے حصے سے پیچھے ہٹ کر جگہ خالی کی اور ان سے کہا: ”سوار ہو جائیے“، مگر انہوں نے سوار ہونے سے انکار کر دیا۔ تب سیدنا قیس رضی اللہ عنہ نے فرمایا: ”بلاشبہ میں نے رسول اللہ صلی اللہ علیہ وسلم کو فرماتے ہوئے سنا ہے: «صَاحِبُ الدَّابَّةِ أَحَقُّ بِصَدْرِهَا» ”سواری کا مالک اس کے اگلے حصے (پر بیٹھنے) کا زیادہ حق دار ہے۔““ سیدنا حبیب رضی اللہ عنہ نے کہا: ”میں اس بات سے ناواقف نہیں ہوں جو رسول اللہ صلی اللہ علیہ وسلم نے فرمائی، لیکن میں آپ کے حوالے سے (دشمن کا) اندیشہ رکھتا ہوں۔“
امام طبرانی رحمہ اللہ فرماتے ہیں: ”یہ حدیث حبیب بن مسلمہ رضی اللہ عنہ سے صرف اسی سند کے ساتھ مروی ہے، جس کی روایت میں ابنِ وہب رحمہ اللہ منفرد ہیں۔“ [المعجم الأوسط/باب الألف/حدیث: 1927]