سیدنا ابوسعید خدری رضی اللہ عنہ سے روایت ہے کہ نبی صلی اللہ علیہ وسلم نے فرمایا: ”جو شخص جمعہ کی نماز کے لیے حاضر ہو، اس میں لغو (بیہودہ) کام نہ کرے، نہ ہی نادانی و جہالت والی کوئی بات کرے، اچھی طرح وضو کرے اور امام کے ساتھ نمازِ جمعہ میں شریک ہو، تو یہ اس جمعہ اور اس کے بعد آنے والے جمعہ کے درمیانی وقفے کے لیے کفارہ بن جاتا ہے؛ اور کوئی بھی شخص جب کوئی فرض نماز ادا کرتا ہے تو وہ اس کے اور اگلی نماز کے درمیانی وقفے کے لیے کفارہ بن جاتی ہے۔“
اسے زکریا بن ابی زائدہ سے صرف داود بن عبد الحمید نے روایت کیا ہے، اور اس کی روایت میں اسحاق البغوی رحمہ اللہ منفرد ہیں۔ [المعجم الأوسط/باب الألف/حدیث: 2078]